قوم کو مسلح ا فواج پر فخر ہے : فواد چودھری

تفصیلات کے مطابق وزیر اطلاعات فواد چودھری  نے سماجی رابطے  کی ویب سائٹ ٹوئٹر سے جاری اپنے پیغام میں بتایا کہ پاک فوج کے سربراہ جنرل قمر جاوید باجوہ نے عید کا دن لائن آف کنٹرول (ایل او سی) پر موجود جوانوں کے ساتھ گزارا جب کہ فوج کی باقی قیادت بھی اپنے ٹروپس کے ساتھ موجود رہی۔ انہوں نے کہا کہ فوج میں سپاہی سے جرنیل تک یہ جوان ایک خاندان میں پروئے ہوئے ہیں۔ان کا کہنا تھا کہ فوج کی راتیں جاگتی ہیں تاکہ عوام رات کو سوسکیں ، ہمیں آپ پر فخر ہے۔

پاکستان کے آرمی چیف جنرل باجوہ نےعید کا دن لائین آف کنٹرول پر فوجی دستوں کےساتھ گزارا، فوج کی باقی قیادت بھی اپنے ٹروپس کے ساتھ موجود رہی، فوج میں سپاھی سے جرنیل تک یہ جوان ایک خاندان میں پروئے ہوئے ہیں،ان کی راتیں جاگتی ہیں تا کہ عوام رات کو سوسکیں ، ہمیں آپ پر فخر ہے

— Ch Fawad Hussain (@fawadchaudhry) May 14, 2021

خیال رہے کہ گزشتہ روز آرمی چیف جنرل قمر جاوید باجوہ نے کنٹرول لائن کا دورہ کیا تھا جہاں انہوں نے فرنٹ لائن پر موجود جوانوں کے ساتھ عید کی نماز ادا کی تھی۔سربراہ پاک فوج نے فوجی جوانوں کے حوصلے، جذبے اور آپریشنل تیاری کو سراہا، اور کورونا کی روک تھام کے لئے سول انتظامیہ سے فارمیشن کے تعاون کی تعریف کرتے ہوئے کورونا سے بچاؤ کے لئے ہرممکن احتیاط برتنے کی ضرورت پر زور دیا۔