بجلی کی قیمتوں میں ایک بار پھر اضافے کا امکان

بجلی مزید مہنگی ہونے کا امکان، صارفین میں مزید 40 ارب روپے کا اضافی بوجھ پڑے گا۔

ذرائع کے مطابق ملک میں بجلی صارفین پر 40 ارب روپے کا اضافی بوجھ ڈالنے کی تیاری شروع کر دی گئی ہے، اس سلسلے میں بجلی کی قیمت میں 3 روپے 53 پیسے فی یونٹ بڑھائے جانے کا امکان ہے۔

سنٹرل پاور پرچیزنگ ایجنسی (سی پی پی اے) کی جانب سے بجلی مہنگی کرنے کےلئے نیشنل الیکٹرک پاور ریگولیٹری اتھارٹی (نیپرا) میں درخواست دائر کر دی گئی ہے۔

ذرائع کے مطابق 3 روپے 53 پیسے فی یونٹ کا اضافہ اکتوبر 2023 کی ماہانہ فیول ایڈجسمنٹ میں مانگا گیا ہے۔ بجلی مزید مہنگی کرنے کی سی پی پی اے کی درخواست پر نیپرا 29 نومبر کو سماعت کرے گا۔

ذرائع کے مطابق من و ان اضافے کا جی ایس ٹی سمیت بجلی صارفین پر تقریبا 40 ارب روپے کا بوجھ پڑے گا، بجلی کی قیمت میں اضافے کا اطلاق کے الیکٹرک صارفین پر نہیں ہو گا۔