لاہور دنیا کے آلودہ ترین شہروں میں دوسرے نمبر پرآگیا

لاہور: لاہور کے 3 علاقوں میں اے کیو آئی 400 سے زائد ریکارڈ کیا گیا، سب سے زیادہ 446 اے کیو آئی ڈی ایچ اے فیز 5 میں ریکارڈکیا گیا۔

لاہورکے ڈیفنس غازی روڈ، شملہ پہاڑی چوک بھی آلودہ علاقوں میں شامل ہیں۔

تفصیلات کے مطابق صوبائی دارالحکومت لاہور میں ماحولیاتی آلودگی میں کمی نہ آسکی،لاہور کا فضائی معیارآج صبح بھی خطرناک درجے تک مضر صحت ہے، جہاں پارٹیکولیٹ میٹرز کی تعداد تین سو اکہتر ریکارڈ کی گئی، جس کے بعد دنیا کے آلودہ ترین شہروں میں لاہور دوسرے نمبر پر ہے۔

کراچی کا فضائی معیار بھی آج انتہائی مضرِصحت ہے، ائیرکولٹی انڈکیس کے مطابق کراچی آلودہ ترین شہروں کی فہرست میں چوتھے نمبر پر رہا، جہاں فضا میں آلودگی دوسو پچپن پرٹیکیولیٹ میٹرریکارڈ کی گئی ہے۔

لاہور دنیا کے آلودہ ترین شہروں میں دوسرے نمبر پر#GNN #BreakingNews #NewsUpdates #GNN_updates pic.twitter.com/yEtBIFz0kI

— GNN (@gnnhdofficial) November 22, 2023

دنیا کے آلودہ ترین شہروں میں بھارت کا دارالحکومت دہلی پہلے نمبر پر ہے جس کی فضا میں آلودگی تین سوتیراسی پرٹیکیولیٹ میٹر ریکارڈ ہوئی۔