جہانگیرترین ایک بار پھر سرگرم، پاور شو کا فیصلہ

تفصیلات کے مطابق  پاکستان تحریک انصاف (پی ٹی آئی ) کے سینئر رہنما جہانگیر ترین ایک بار پھر سرگرم ہوگئے ہیں اور انہوں نے پاور شو کرنے کا فیصلہ کیا ہے۔جہانگیر ترین گروپ اراکین کا اہم اجلاس منگل کو طلب کرلیا ہے۔

اجلاس میں قومی و صوبائی اسمبلی کے اراکین و وزراء شریک ہونگے۔اس  اجلاس میں وزیراعظم کی جانب سے انصاف کی فراہمی کے لئے کئے جانے والے وعدے کا جائزہ لیا جائے گا، اجلاس میں بیرسٹر علی ظفر کی جانب سے معاملے کی تحقیقات رپورٹ مرتب کرنے کا بھی جائزہ لیا جائے گا۔

ذرائع کے مطابق  اجلاس میں نئے اراکین بھی شریک ہونگے۔جہانگیرترین گروپ اراکین کے اعزاز میں عشائیہ بھی دینگے۔