پی ایس ایل 6 کے بقیہ میچز کے حوالے سے اعلان طویل ہوگیا

تفصیلات کے مطابق  پی ایس ایل 6 کے بقیہ میچز کے حوالے سے اعلان طویل ہوگیا ہے،پی سی بی حکام کو ایمریٹس کرکٹ بورڈ سے آج تحریری جواب ملنے کی توقع تھی۔

پاکستان کرکٹ بورڈ (پی سی بی ) کا کہنا ہے کہ  ای سی بی سے جواب اب کل ملنے کا امکان ہے، پی سی بی کا سات رکنی وفد متحدہ عرب امارات میں موجود ہے۔

پی سی بی وفد نے ایمریٹس کرکٹ بورڈ کے عہدیداروں کو آن لائن بریفنگ دی ،  پی سی بی جون کے پہلے ہفتے میں  یو اے ای میں ٹورنامنٹ بحال کرنے کا خواہشمند ہے۔

ذرائع کے مطابق  کھلاڑیوں اور سپورٹنگ اسٹاف دو چارٹرڈ طیاروں پر ابوظہبی روانہ ہوں گے۔کھلاڑی اور مینجمنٹ کے افراد تین دن کا قرنطینہ لاہور جبکہ سات روز کا ابوظہبی میں کریں گے۔ٹورنامنٹ میں شرکت کرنے والے افراد کی لاہور میں کورونا وائرس ٹیسٹنگ ہوگی ۔ پی ایس ایل کا فائنل شیڈول کے مطابق بیس جون کو ہی کھیلا جائے گا۔