انوا رلحق کاکڑ آج متحدہ عرب امارات کے صدر سے ملاقات کریں گے

نگران وزیراعظم انوار الحق کاکڑ آج متحدہ عرب امارات کے صدر شیخ محمد بن زید سے ملاقات کریں گے۔

دونوں رہنما دوطرفہ تعلقات کے علاوہ معیشت، تجارت، سرمایہ کاری، ثقافت، دفاع اور لوگوں کے درمیان رابطوں کے فروغ پر تبادلہ خیال کریں گے۔

پاکستان اور متحدہ عرب امارات کے درمیان توانائی، بندرگاہ کے منصوبے، پانی صاف کرنے، خوراک کا تحفظ، لاجسٹک، کان کنی، ہوا بازی، بینکنگ اور مالیاتی خدمات سمیت مختلف شعبوں میں مفاہمت کی یادداشت پر بھی دستخط کئے جائیں گے۔

یاد رہے کہ نگران وزیر اعظم انوارلحق کاکڑ گزشتہ روز تین روزہ دورے پر متحدہ عرب امارات روانہ ہوئے تھے ۔