انوار الحق کاکڑ دبئی میں کوپ 28 کانفرنس میں شرکت کے بعد وطن واپس روانہ

نگران وزیراعظم انوار الحق کاکڑ دبئی میں اقوام متحدہ پارٹیز کی اٹھائیسویں کانفرنس میں شرکت کے بعد وطن واپس روانہ ہو گئے ہیں۔

المخطوم انٹرنیشنل ایئر پورٹ دبئی پر متحدہ عرب امارات کے حکومتی ترقی اور مستقبل کی وزیر اوہود بنتِ خلفان الرومی، پاکستان میں متحدہ عرب امارات کے سفیر اور پاکستان کے سفارتی عملے نے وزیراعظم کو الوداع کیا۔

وزیراعظم نے اقوام متحدہ کی COP 28 کانفرنس میں پاکستان کے وفد کی قیادت کی۔

وزیراعظم نے موسمیاتی تبدیلی کے حوالے سے عالمی اقدامات کے سربراہ اجلاس میں بھی شرکت کی۔

موسمیاتی تبدیلی کے بارے میں پاکستان کا قومی موقف پیش کیا۔

وزیراعظم نے گلوبل اسٹاکٹیک گول میز کانفرنس میں پاکستان کا موقف پیش کیا۔

کوپ 28 کے موقع پر وزیراعظم نے سری لنکا اور مالدیپ کے صدور اور نیدر لینڈز، ایسٹونیا، شام کے وزرائے اعظم اور بل اینڈ میلنڈا گیٹس فائونڈیشن کے شریک چیئرمین بل گیٹس سے ملاقاتیں کیں۔

وزیراعظم نے COP 28 میں پاکستان کے پویلین کا دورہ کیا اور لیونگ انڈس اقدام کے حوالے سے ایک تقریب میں بھی شرکت کی۔