نگران وزیراعلی محسن نقوی نے لاہور میں بزنس سہولت مرکز کا افتتاح کر دیا

پنجاب کے نگران وزیراعلی محسن نقوی نے سرمایہ کاروں کی سہولت کے لئے لاہور میں بزنس سہولت مرکز کا افتتاح کیا۔

مرکز میں 20 صوبائی اور وفاقی محکمے سرمایہ کاروں کی مدد کے لئے ایک ہی چھت کے نیچے خدمات فراہم کریں گے۔

اس موقع پر وزیراعلی محسن نقوی نے بزنس سہولت مرکز میں قائم صوبائی اور وفاقی محکموں کے کاؤنٹرز کا معائنہ کیا اور وہاں فراہم کی جانے والی سہولیات کو سراہا۔

انہوں نے ہدایت جاری کی کہ این او سی کا اجرا 30 دن کی بجائے 15 دن میں یقینی بنایا جائے۔