21مئی کوملک بھر میں یوم یکجہتی فلسطین منایا جائے گا :حافظ طاہر اشرفی

تفصیات کے مطابق وزیراعظم کے نمائندہ خصوصی برائے مذہبی ہم آہنگی حافظ طاہرمحمود اشرفی نے میڈیا سے بات کرتے ہوئے کہا کہ وزیراعظم کی ہدایت پر21مئی کو یوم یکجہتی فلسطین منایا جائے گا ، اس وقت عالم اسلام میں پاکستانی عوام نے جو فلسطینوں سے اظہاریکجہتی  کی ہے اس ‏کی مثال نہیں ملتی، وزیراعظم عمران نے او آئی سی کے سیکرٹری جنرل سے ملاقات کرکے فلسطین کے ‏مسئلہ پر بات کی۔

حافظ طاہر اشرفی نے کہا کہ فلسطینیوں کے ساتھ زیادتی ہو رہی ہے، وزیراعظم کا وژن ہے کہ ہم امت مسلمہ کو متحد کریں، وزیر خارجہ پورے پاکستان کی ترجمانی کریں گے۔ انہوں نے مزید کہا کہ اسرائیل مسلسل عورتوں اور بچوں کو نشانہ بنا رہا ہے، مسجد اقصٰی پر کوئی سمجھوتا نہیں ہوسکتا، فلسطینی سفیر کے ساتھ آج ملاقات کی ہے۔پاکستان مسلم امہ کے حوالے سے کردار ادا کرتا رہے گا۔

واضح رہے کہ 10مئی  سے  جاری غزہ پر اسرائیل کے مسلسل بمباری کے نتیجے میں 212 سے زائد فلسطینی شہید اور سینکڑوں زخمی ہوچکے ہیں۔