امریکی گلوکارہ آریانا گرینڈی شادی کے بندھن میں بندھ گئیں

تفصیلات کے مطابق 27 سالہ گلوکارہ آریانا  اور 25 سالہ ڈالٹن گومیز  انتہائی  سادگی سے رشتہ ازدواج میں منسلک ہوگئے شادی کی تقریب ، امریکی ریاست کیلیفورنیا میں انکے گھر پر ہوئی جس  میں مختصر لوگ شریک ہوئے ۔آریانا کے منیجر  نے تصدیق کرتے ہوئے بتایا ہے  کہ  آریانا گرینڈی نے اپنے منگیتر ڈالٹن گومیز سے حال ہی میں ایک  نجی تقریب میں شادی کی ہے  اور  دونوں کے  خاندان  بہت خوش ہیں ۔

واضح رہے کہ آریانہ گرانڈے اور ڈولٹن گومز  کی منگنی گزشتہ برس دسمبر میں ہوئی تھی ۔ ڈالٹن گومیزپیشے کے اعتبار سے  ریئل اسٹیٹ ایجنٹ     ہیں اور گزشتہ برس ہی  دونوں نے ایک میوزک البم میں بھی ساتھ کام کیا تھا۔

گلوکارہ آریانا گرینڈی  کے انسٹاگرام پر  بے شمار فالوورز  ہیں ۔ان کے انسٹا فالورز کی تعداد 234 ملین سے زائد ہے۔