لاہور : مصنوعی بارش کا پہلا تجربہ کامیاب

لاہور : پنجاب حکومت کا بارش برسانے کا کامیاب تجربہ ، محکمہ موسمیات کی جانب سے  لاہور میں سموگ کو کم کرنے کیلئے لاہور کے مختلف حصوں میں مصنوعی بارش کی گئی ہے ۔ 

لاہور میں مختلف مقامات پرمصنوعی بارش کی گئی جس میں جیل روڈ ، گلبرگ ، اپر مال ،   لکشمی ، ٹاؤن شپ ، اندرون لاہور کے علاقے میں بارشیں کی گئیں ہیں ۔

شاہدرہ اور مریدکے میں بھی مصنوعی بارش کروئی گئی ہے ، لاہور میں مصنوعی بارش کیلئے متحدہ عرب امارات سے بھی دو طیارے منگوائے گئے ۔ 

نگراں وزیر اعلی لاہورمحسن نقوی نے کہا کہ  12 مقامات پر مصنوعی بارش کا مقصد سموگ اور آلودگی کو کم کرنا ہے ۔  

لاہور میں پریس کانفرنس کرتے ہوئے محسن نقوی نے کہا کہ لاہور میں مصنوعی بارش کا تجربہ کامیاب رہا، نگراں وزیرِ اعظم انوار الحق کاکڑ نے مبارک باد دی ہے۔

انہوں نے کہا کہ آج صبح لاہور آلودہ ترین شہر تھا، ملک کی تاریخ میں آج پہلی بار مصنوعی بارش کی گئی۔

نگراں وزیرِ اعلیٰ پنجاب نے کہا کہ مصنوعی بارش کے لیے ہم نے کوئی خصوصی خرچہ نہیں کیا، اسموگ کے خاتمے کے لیے اگر خرچہ کرنا بھی پڑتا تو میں دریغ نہ کرتا۔