سابق وزیر داخلہ سرفراز بگٹی کا پیپلز پارٹی میں شمولیت کا امکان

ذرائع کے مطابق سابق نگران وزیر داخلہ سرفراز بگٹی آج سابق صدر اور پیپلزپارٹی کے شریک چیئرمین آصف زرداری سے ملاقات کریں گے، اور پیپلز پارٹی میں شمولیت کا اعلان کریں گے۔

نجی ٹی وی کے مطابق سرفراز بگٹی آج تربت جلسہ میں پیپلز پارٹی میں باقاعدہ شمولیت کا اعلان کردیں گے، اور وہ ڈیرہ بگٹی سے صوبائی اسمبلی کا الیکشن لڑیں گے۔

اس سے قبل خبریں گردش کر رہی تھیں کہ سرفراز بگٹی نے نواز لیگ میں شمولیت کیلئے استعفیٰ دیا ہے۔ اور وہ عام انتخابات میں حصہ لیں گے۔

ذرائع کا کہنا ہے کہ پیپلز پارٹی کی جانب سے تربت میں سیاسی سرپرائز کا دعویٰ کیا گیا تھا، اور آصف علی زردار تربت میں سیاسی جماعتوں سے انتخابی اتحاد کا اعلان بھی کرسکتے ہیں، جب کہ بلوچستان کے دیگر اہم سیاسی و قبائلی شخصیات سے بھی رابطے کئے جارہے ہیں۔

تفصیلا ت کے مطابق ذرائع کا کہنا ہے کہ سرفراز بگٹی سابق صدر آصف زرداری کے ہمراہ تربت کے لئے روانہ ہوگئے ہیں،تربیت  میں پارٹی کنونشن میں سابق نگراں وزیرداخلہ سرفرا بگٹی پیپلز پارٹی میں شمولیت کا اعلان کرینگے۔

ذرائع کا کہنا ہے کہ  سرفراز بگٹی بلوچستان میں پیپلز پارٹی کے وزیر اعلیٰ کے امیدوار ہوسکتے ہیں،سرفراز بگٹی کے بعد چند اور اہم سیاست دان بھی بلوچستان سے پیپلز پارٹی میں شامل ہوں گے۔

چیئرمین پاکستان پیپلز پارٹی بلاول بھٹو زرداری لاہور پہنچ گئے ہیں۔بلاول بھٹو زرداری نے پنجاب اور لاہور کی قیادت کو ملاقات کے لئے طلب کر لیا۔