محسن نقوی کی سٹیٹ بینک کے گورنر جمیل احمد سے ملاقات

پنجاب کے نگران وزیراعلیٰ محسن نقوی نے کہا ہے کہ صوبے میں کپاس کی شاندار پیداوار سے زرمبادلہ میں دو ارب ڈالر کی بچت ہو گی۔

انہوں نےلاہور میں سٹیٹ بینک کے گورنر جمیل احمد سے ملاقات کی اور ان سے پنجاب میں کپاس کی فصل کی پیداوار کے زرمبادلہ میں ہونے والے فائدے پر بات کی گئی ۔ 

انہوں نے کہا کہ پنجاب حکومت کسانوں کو اعانت اور آسان قرض دے کر زرعی شعبے میں زیادہ سے زیادہ پیداوار کا ہدف حاصل کرنا چاہتی ہے۔

اس موقع پر سٹیٹ بینک کے گورنر نے زراعت اور دوسرے شعبوں میں بہتری لانے کیلئے پنجاب حکومت کے گرانقدر اقدامات کو سراہا۔

انہوں نے کہا کہ کپاس، چاول اور دوسری فصلوں کی بہتر پیداوار سے معیشت پر مثبت اثرات مرتب ہوں گے۔