پاکستان سٹاک ایکسچینج میں مسلسل دوسرے روز شدید مندی

کراچی: پاکستان سٹاک ایکسچینج میں مسلسل دوسرے روز شدید مندی دیکھی جا رہی ہے۔

کاروباری ہفتے کے دوسرے روز سٹاک مارکیٹ میں کاروبار کے دوران 100 انڈیکس 64 ہزار پوائنٹس کی سطح سے بھی نیچے آگیا۔

گزشتہ روز، انڈیکس کی 66000 پوائنٹس کی نفسیاتی سطح گرنے سے 69.29فیصد حصص کی قیمتیں گرگئی تھیں جبکہ سرمایہ کاروں کے 87ارب 67کروڑ 46لاکھ 49ہزار 251روپے ڈوب گئے تھے۔

سٹاک ایکسچینج میں 2100 سے زائد پوائنٹس کی کمی دیکھنے میں آئی جس کے بعد 100 انڈیکس 63 ہزار 11 پوائنٹس کی سطح پر ٹریڈ کر رہا ہے۔

ماہرین کا کہنا ہے گزشتہ ایک ماہ میں تیزی کے تسلسل سے مارکیٹ اوورباٹ ہوگئی تھی لہٰذا کیپیٹل مارکیٹ میں بہتری کے لیے تیکنیکی درستگی ضروری ہے۔