امجد علی خان نے پی ٹی آئی چھوڑی ہے اور نا ہی وہ الیکشن سے دستبردار ہونگے،ترجمان

امجد علی خان نے پاکستان تحریک انصاف چھوڑی ہے اور نا ہی وہ الیکشن لڑنے سے دستبردار ہونگے

سوشل میڈیا پلیٹ فارم ایکس پر پی ٹی آئی کے ترجمان کا کہنا ہے کہ  سابق ایم این اے امجد علی خان کی فیملی کی جانب سے پیغام موصول ہوا ہے جس میں اس بات کی واضح نفی کی گئیی ہے کہ تا تو امجد علی خان نے پاکستان تحریک انصاف چھوڑی ہے اور نا ہی وہ الیکشن لڑنے سے دستبردار ہونگے۔

• سابق ایم این امجد علی خان کی فیملی کی جانب سے پیغام موصول ہوا جس میں اس بات کی واضح نفی کی گئ کہ امجد علی خان نا تو پاکستان تحریک انصاف چھوڑ چکے ہیں اور نا ہی وہ ایلیکشن لڑنے سے دستبردار ہونگے ۔
• گردش کرنے والی ویڈیو انتہائ تشدد کے بعد گن پوائنٹ پر بنوائی گئ ہے جس کی بناہ…

— PTI (@PTIofficial) December 20, 2023

ترجمان کے مطابق فیملی کا کہنا تھا کہ میڈیا پر چلنے والی خبریں انتہائی تشدد کے بعد گن پوائنٹ پر بنوائی گئی ہے جس کی بنا پر امجد علی خان اور انکے اہل خانہ اس ویڈیو سے لاتعلقی کا اعلان کرتے ہیں۔

انہوں نے کہا ہے کہ امجد علی خان این اے 90 سے ہر صورت الیکشن لڑیں گے اگر انہیں جبراً میدان سے باہر رکھا گیا تو امجد علی خان کی فیملی سے کسی نا کسی شخص کو الیکشن لڑایا جائے گا ۔ 

واضع رہے کہ میانوالی سے پی ٹی آئی کے سابق ایم این اے امجد علی خان کا پارٹی چھوڑنے کااعلان کیا ہے،

امجد علی خان کا کہنا تھا کہ پی ٹی آئی چھوڑ رہا ہوں اور آئندہ الیکشن بھی نہیں لڑوں گا۔ 9 مئی کے واقعات کی پہلے بھی کئی بار مذمت کر چکا ہوں۔