غذائی اشیاء کی درآمدات میں پانچ ماہ کے دوران 24.40 فیصد کمی

اسلام آباد: غذائی اشیاء کی درآمدات میں جاری مالی سال کے پہلے پانچ ماہ میں سالانہ بنیادوں پر24.40 فیصدکی کمی ریکارڈکی گئی ہے۔سٹیٹ بینک اورپی بی ایس کی جانب سے اس حوالہ سے جاری کردہ اعدادوشمار کے مطابق جولائی سے نومبر2023 تک کی مدت میں غذائی اشیاء کی درآمدات پر2.929 ارب ڈالر کازرمبادلہ صرف ہوا۔ جوگزشتہ مالی سال کی اسی مدت کے مقابلہ میں 24.40 فیصدکم ہے، گزشتہ مالی سال کی اسی مدت میں غذائی اشیاء کی درآمدات پر3.638 ارب ڈالرکازرمبادلہ صرف ہواتھا۔

نومبرمیں غذائی اشیاء کی درآمدات پر656.75 ملین ڈالرکازرمبادلہ صرف ہواجواکتوبرمیں 576.65 ملین ڈالراورگزشتہ سال نومبرمیں 658.57 ملین ڈالرتھا۔

مالی سال 2023 میں غذائی اشیاء کی درآمدات کاحجم 7.965 ارب ڈالر ریکارڈ کیا گیاتھا۔ اعدادوشمارکے مطابق جاری مالی سال کے پہلے پانچ ماہ میں گندم کی درآمدات پر114.40 ملین ڈالر، ڈرائی فروٹس 7.614 ملین ڈالر، چائے 306.85 ملین ڈالر، مصالحہ جات 24.258 ملین ڈالر، سویابین آئل 75.12 ملین ڈالر، پام آئل 1.136 ارب ڈالر، دالیں 305.10 ملین ڈالر اورمتفرق اشیا ءکی درآمدات پر857.12 ملین ڈالرکازرمبادلہ صرف ہوا۔