آسٹریلیا ٹیسٹ ،پاکستانی ٹیم میں تبدیلیوں کا امکان

آسٹریلیا کے خلاف دوسرے ٹیسٹ میں پاکستانی ٹیم میں تبدیلیوں کا امکان ظاہر کیا جا رہا ہے۔

ذرائع کے مطابق منگل سے میلبرن میں شروع والے دوسرے ٹیسٹ کیلئے پاکستان کی پلیئنگ الیون میں تبدیلیوں کی اطلاعات ہیں، سرفراز احمد کو ڈراپ کر کے محمد رضوان کو کھلائے جانے کا قوی امکان ہے۔  ٹیم میں دوسری تبدیلی ان فٹ خرم شہزاد کی شکل میں ہو گی، خرم شہزاد کی جگہ حسن علی اور میر حمزہ میں مقابلہ ہے۔

میلبرن ٹیسٹ میں فاسٹ بولر وسیم جونیئر کی شرکت کا کوئی امکان نہیں ہے۔اننگز کا آغاز بدستور امام الحق اور عبداللہ شفیق ہی کریں گے جبکہ فہیم اشرف کو ڈراپ کرکے آف بریک بولر ساجد خان کو کھلائے جانے کا قوی امکان ہے۔

یاد رہے کی پرتھ میں کھیلے گئے پہلے ٹیسٹ میں آسٹریلیا نے پاکستان کو 360 رنز سے شکست دی تھی، تین ٹیسٹ میچوں کی سیریز میں میزبان ٹیم کو ایک صفر کی سبقت حاصل ہے۔