الیکشن کمیشن ، کا غذات نامزدگی جمع کروانے والے امیدواروں کی جانچ پڑتال کل سے شروع کی جائے گی

عام انتخابات کیلئے قومی اور چاروں صوبائی اسمبلیوں کیلئے کاغذات نامزدگی جمع کرانے کی مدت آج ختم ہوگئی ہے ۔

شیڈول کے مطابق کاغذات نامزدگی کی جانچ پڑتال کا عمل کل سے شروع کیا جائے گا جو  رواں ماہ کی تیس تاریخ تک جاری رہے گا۔

کاغذاتِ نامزدگی منظوریا مسترد ہونے کے خلاف اپیلیں آئندہ ماہ کی تین تاریخ تک دائر کی جا سکتی ہیں جن کافیصلہ دس جنوری تک کیاجائے گا۔

امیدواروں کی فہرست گیارہ جنوری کو جاری کی جائیگی جبکہ امیدوار بارہ جنوری تک کاغذات نامزدگی واپس لے سکیں گے۔انتخابی نشانات تیرہ جنوری کو الاٹ کئے جائیں گے اور عام انتخابات کیلئے پولنگ آٹھ فروری کو ہو گی۔

الیکشن کمیشن نے انتخابات کاجائزہ لینے والے غیرملکی مبصرین کومزیدوقت دے دیاہے۔اب وہ اپنی درخواستیں رواں ماہ کی اکتیس تاریخ سے آئندہ ماہ کی بیس تاریخ تک جمع کراسکتے ہیں۔