برسبین ہیٹ اور سڈنی تھنڈر کی ٹیمیں مینزبگ بیش لیگ میں (کل) پنجہ آزمائی کریں گی

برسبین: کرکٹ آسٹریلیا (سی اے) کے زیر اہتمام مینز بگ بیش لیگ کا 13 واں ایڈیشن آسٹریلیا میں جاری ہے جس میں شائقین کرکٹ کو انتہائی سخت اور کانٹے دار مقابلے دیکھنے کو مل رہے ہیں۔

لیگ میں (کل) بدھ کو ایک میچ کا فیصلہ ہوگا اور وہ لیگ کا 16 واں میچ ہوگا جس میں برسبین ہیٹ اور سڈنی تھنڈر کی ٹیمیں گابا ،برسبین میں آمنے سامنے ہوں گی۔برسبین ہیٹ مایہ ناز بلے باز کولن منرو لیڈ کر رہے ہیں جبکہ سڈنی تھنڈر کو کرس گرین لیڈ کر رہے ہیں۔ مینز بگ بیش لیگ میں 8 ٹیمیں ٹائٹل کے حصول کے لئے ایکشن میں نظر آئیں گی۔

پرتھ سکارچرز کی ٹیم لیگ میں ٹائٹل کا دفاع کرے گی۔بگ بیش لیگ مردوں کا ایک پیشہ ورانہ ٹی ٹونٹی ڈومیسٹک کرکٹ ٹورنامنٹ ہے جس میں 8 ٹیمیں ٹائٹل کے حصول کے لئے کوشاں ہوں گی جن میں ایڈیلیڈ سٹرائیکرز، برسبین ہیٹ ، ہوبارٹ ہریکینز، میلبورن رینیگیڈز، میلبورن سٹارز،دفاعی چیمپئن پرتھ سکارچر ز، سڈنی سکسرز اور سڈنی تھنڈرشامل ہیں۔ٹورنامنٹ ڈبل رائونڈ روبن اور پلے آف سسٹم پر کھیلا جا رہا ہے ۔