مسلم لیگ ن اور جی ڈی اے کا عام انتخابات مل کر لڑنے پر اتفاق

پاکستان مسلم لیگ (ن) وار گرینڈ ڈیموکریٹک الائنس (جی ڈی اے) نے عام انتخابات 2024 مل کر لڑنے پر اتفاق کرلیا۔

کراچی میں میڈیا سے گفتگو کرتے ہوئے رہنما ن لیگ خواجہ سعد رفیق نے کہا کہ سندھ کھنڈر کا نقشہ پیش کر رہا ہے فنکشنل لیگ کے ساتھ اس پر بات چیت ہوئی ہے، سندھ میں لوٹ مار کا بازار ہے، اس پر بھی بات چیت کی گئی۔ پیپلز پارٹی کو پنجاب میں الیکشن لڑنے پر ویلکم کرتے ہیں، 15سال سےاہل سندھ کومحرومیاں ہی ملی ہیں، البتہ سندھ میں ن لیگ کے دور میں ڈاکو راج کو بھی رگڑا لگا تھا۔

لیگی رہنما کا کہنا تھا کہ جی ڈی اے، ن لیگ کا مل کرالیکشن لڑنے پر اتفاق ہوا ہے جب کہ ایم کیو ایم  سے سیٹ ایڈجسٹمنٹ پر پات  چل رہی ہے، راستہ نکل آئے گا۔

اس موقع پر صدر مسلم لیگ فنکشنل صدرالدین شاہ نے کہا کہ سندھ میں ہر ڈپارٹمنٹ میں چور بازاری ہے، صوبے میں جو سسٹم چل رہا ہے 8 فروری کو اسے ختم کردیں گے۔ 30 سے 35 فیصد پیپلز پارٹی مافیا کو ووٹ پڑتا ہے، وزیر اعلیٰ پٹواری سے لیکر آئی جی تک کے سر کا تاج بنے ہوئے ہیں، ہمارا ترازو ہوا میں ہے جب کہ دوسرے میں سارا وزن ڈالا گیا ہے۔