پنجاب کے 14اضلاع میں صاف پانی کے 521 نئے منصوبوں کا اعلان

تفصیلات کے مطابق گورنر پنجاب چوہدری محمد سرور کا کہنا ہے کہ پنجاب آب پاک اتھارٹی کے نئے منصوبوں پر1229ملین روپے لاگت آئے گی ۔ چیئر مین آب پاک ڈاکٹر شکیل اور چیف ایگز یکٹو زاہد پرویز کی کارکردگی مثالی ہے۔ وزیر اعظم عمران خان کے ویژن کے مطابق آب پاک اتھارٹی کام کر ررہی ہے، وزیر اعظم عمران خان کا مشن صرف اور صرف عوامی مفادات کا تحفظ ہے۔

 انہوں نے کہاکہ ملکی ترقی کو''ریورس گیئر''لگانےوالوں کوکامیاب نہیں ہونے دیا جائیگا ، تحر یک انصاف کی حکومت ہر شعبے میں عوام کے ایک ایک پیسے کا تحفظ کر رہی ہے ،پہلی بار کوئی حکومت عام آدمی کو سہولتوں کی فراہمی کیلئے عملی کام کر رہی ہے۔ آب پاک کےتما م منصوبوں میں شفافیات کو100فیصدیقینی بنایا جائے گا ۔ پینے کے صاف پانی کی فراہمی کیلئے بیوروکریسی اور آب پاک ایک پیج پر ہیں ،  انشا اللہ جنوبی پنجاب سمیت ہر شہر اور دیہات کو صاف پانی فراہم کر یں گے۔

انہوں نے کہا کہ نئے منصوبے ڈی جی خان، لیہ، راجن پور اورمظفر گڑھ میں ہوں گے جبکہ  شیخوپورہ اورننکانہ صاحب میں بھی پینےکےصاف پانی کےمنصوبے شروع ہوچکے ہیں۔