فواد چوہدری کو اشتہاری قرار دینے کا فیصلہ معطل

لاہور ہائیکورٹ نے سابق وفاقی وزیر فواد چوہدری کو اشتہاری قرار دینے کا فیصلہ معطل کر دیا ۔

جسٹس علی باقر نجفی کی سربراہی میں دورکنی بینچ نے مقدمے کی سماعت کی، عدالت نے آئندہ سماعت پر فریقین سے جواب بھی طلب کرلیا۔

فواد چوہدری کے وکیل نے بتایا کہ فواد چوہدری 4 نومبر سے زیر حراست ہیں اور اس وقت اڈیالہ جیل میں ہیں، فواد چوہدری پر مسلم لیگ ن کا مرکزی دفتر جلانے کا الزام ہے لیکن اس روز وہ اسلام آباد ہائی کورٹ میں موجود تھے۔

اسکروٹنی میں ان پر اعتراضات دائر کیے جا سکتے ہیں، فوادچوہدری کو انسداد دہشت گردی عدالت لاہور نے اشتہاری قراردیا تھا۔

بعد ازاں عدالت نے سماعت 11 جنوری تک ملتوی کردی۔

یاد رہے کہ جناح ہاؤس کے قریب گاڑیاں جلانے کے کیس میں انسداد دہشتگردی عدالت نے کو فواد چوہدری کو اشتہاری قرار دینے کی کارروائی کا آغازکیا تھا جسے انہوں نے لاہور ہائی کورٹ میں چیلنج کردیا تھا۔