15 جنوری تک گوشوارے جمع نہ کروائے تو رکنیت معطل کر دی جائے گی ،الیکشن کمیشن

تفصیلات کے مطابق ترجمان الیکشن کمیشن نے اپنے جاری کردہ بیان میں کہا کہ 15 جنوری تک گوشوارے جمع نہ کروانے کی صورت میں 16 جنوری کو رکنیت معطل کر دی جائے گی۔

ترجمان کا کہنا ہے کہ ایوان بالا کے 27 موجودہ اور ایک سابق رکن نے گوشواروں کی تفصیل جمع نہیں کروائی۔

الیکشن کمیشن کے ترجمان کے مطابق گوشوارے جمع نہ کروانے والوں میں یوسف رضا گیلانی، مصدق ملک، سیف اللہ نیازی، شاہین خالد بٹ، عون عباس، نزہت صادق، میاں رضا ربانی، امام الدین شوقین، محمد علی شاہ جاموٹ، فیصل سبزواری شامل ہیں۔

سیینیٹر نثار کھوڑو، تاج حیدر، خالدہ عطیب، شوکت ترین، پیر صابر شاہ، لیاقت ترکئی، مولانا عطاء الرحمن، ذیشان خانزادہ، ثانیہ نشتر، دنیش کمار، سمینہ ممتاز، سعید ہاشمی، محمد قاسم، محمد عبدالقادر، ہدایت اللہ، دوست محمد، گردیپ سنگھ اور ہدایت اللہ خان بھی گوشوارے جمع نہ کروانے والوں میں شامل ہیں۔