پاکستان تحریک حریت پارٹی پر پابندی کی مذمت کرتا ہے ،ممتاز زہرہ بلوچ

اسلام آباد: پاکستان نے جموں و کشمیر میں تحریک حریت پارٹی کو پانچ سال کے لیے 'غیر قانونی انجمن' قرار دینے کے بھارتی حکام کے فیصلے کی شدید مذمت کی ہے۔

پیر کو ایک بیان میں دفتر خارجہ کی ترجمان ممتاز زہرہ بلوچ نے کہا کہ سیاسی جماعتوں پر پابندی کشمیریوں کو محکوم بنانے، اختلاف رائے کو دبانے اور بھارت کے ناجائز مقبوضہ جموں و کشمیر پر اپنے قبضے کو مستحکم کرنے کی بھارت کی انتھک مہم کا حصہ ہے۔

ممتاز زہرا بلوچ نے کہا  کہ بھارت کو مقبوضہ جموں و کشمیر میں غیر قانونی طور پر کالعدم قرار دی گئی تمام سیاسی جماعتوں پر سے پابندی اٹھانی چاہیے اور کشمیری عوام کے بنیادی حقوق اور آزادیوں کا احترام کرنا چاہیے۔