حکومت حج عازمین کو سہولت دینے کیلئے ہر ممکن اقدامات کر رہی ہے،وزیر مذہبی امور

نگران وزیر مذہبی امور و بین المذاہب ہم آہنگی انیق احمد نے کہا ہے کہ حکومت عازمین حج کو بہترین سہولیات فراہم کرے گی۔

 کوئٹہ حاجی کیمپ کے دورے کے موقع پر صحافیوں سے گفتگو کرتے ہوئے انہوں نے کہا کوئٹہ کے حاجی کیمپ میں رہ جانے والی تمام سہولیات کی فراہمی کےلئے کوششیں جاری ہیں۔

نگران وزیر مذہبی امور و بین المذاہب ہم آہنگی انیق احمد نے کہا اسلام امن اور پیار کا مذہب ہے اور ہمیں طلبا کو بین المذاہب ہم آہنگی کی تعلیم دینی  چاہیے۔

انہوں نے کہا کہ حکومت پاکستان حج عازمین کو سہولت دینے کیلئے ہر ممکن اقدامات کر رہی ہے ۔