9مئی میں ملوث افراد الیکشن نہیں لڑ سکتے ،وزیر اطلاعات

نگران وزیر اطلاعات جان اچکزئی نے کہا ہے کہ جن کا 9 مئی سے کوئی بھی تعلق ہے، وہ الیکشن نہیں لڑ سکتے۔

تفصیلات کے مطابق نگران وزیر اطلاعات جان اچکزئی نے میڈیا سے گفتگو کرتے ہوئے کہا کہ حجام کو بے دردی سے قتل کر کے انتشار پھیلانے کی کوشش کی گئی، انہوں نے کہا کہ ملک میں دہشت گردی سر اٹھا رہی ہے کہ الیکشن میں تاخیر کی جا سکے انہوں نے کہا کہ ریاست نہ ہی اسطرح کے ہتھکنڈوں سے ڈری ہے اور نہ ڈرے گی۔ 

اسلام آباد میں مسنگ پرسنز کیس پر احتجاج مظاہرین کسی کے بہکاوے میں آکر کر رہے ہیں، آپ بہلے ریاست کے قانون کو پامال کریں اور ریاست کو نقصان پہنچائے اس کے بعد ریلیف کی بھی امید رکھیں ، ایسا تو کسی ریاست میں نہیں ہوتا اور نہ ہی ایسے ریلیف دیا جا سکتا ہے ۔ 

ان کا کہنا تھا کہ جو 9 مئی کے واقع سے کسی طرح بھی تعلق رکھتے ہیں ان کو انتخابات لڑنے کی اجازت نہیں ہو گی۔