غزہ کو فلسطین سے کو ئی علیحدہ نہیں کر سکتا ،ترجمان امریکی محکمہ خارجہ

امریکی محکمہ خارجہ نے اسرائیلی وزراء کی جانب سے فلسطینیوں کو غزہ سے نکل جانے کے حوالے سے دیے گئے بیان کی مذمت کی ہے ۔

غیر ملکی خبر رساں ادارے کے مطابق امریکی محکمہ خارجہ کے ترجمان میتھیو ملر کا پریس کانفرنس میں کہنا تھا غزہ فلسطینی سر زمین ہے اور رہے گی ۔ 

میتھیو ملر نے کہا امریکہ اسرائیلی وزراء کے بیان کی سختی سے مذمت کرتا ہے، اسرائیلی وزراء کا بیان اشتعال انگیز اور غیر ذمہ دارانہ ہے۔

The United States rejects the inflammatory and irresponsible statements from Israeli Ministers Smotrich and Ben Gvir. There should be no mass displacement of Palestinians from Gaza.

— Matthew Miller (@StateDeptSpox) January 2, 2024

ترجمان امریکی محکمہ خارجہ کہتے ہیں حماس کا اب کوئی مستقبل نہیں ہے جب کہ کوئی بھی دہشت گرد گروپ اب اسرائیل کے لیے خطرہ نہیں ہے ۔ 

خیال رہے کہ صیہونی اسرائیلی فوج نے غزہ پر حملوں کو مزید تیز کرتے ہوئے مختلف رہائشی علاقوں، پناہ گزین کیمپوں اور اسپتالوں کے اطراف شدید بمباری کی۔

بمباری کے نتیجے میں گذشتہ 24 گھنٹوں کے دوران 200 سے زائد فلسطینی شہید ہوگئے جب کہ جنوبی غزہ میں خان یونس میں العمل اسپتال پر اسرائیلی حملے میں  پانچ فلسطینی شہید ہوئے۔