این اے 242، 243 سے پی ٹی آئی کے امیدواروں کی اپیلیں منظور

لاہور: الیکشن ٹربیونل نے این اے 243 سے پاکستان تحریک انصاف (پی ٹی آئی) کے امیدوار سبحان ساحل اور این اے 242 سے امجد آفریدی کی اپیل منظور کرلی۔

تفصیلات کے مطابق الیکشن ٹربیونل میں ریٹرننگ افسران (آر او) کے فیصلوں کے خلاف امیدواروں کی اپیلوں کی سماعت ہوئی۔

پی ایس 113 سے پی ٹی آئی کے امیدوار حسنین چوہان کی اپیل بھی مسترد کر دی گئی ہے جب کہ ریٹرننگ افسر کے فیصلے کے خلاف پاکستان پیپلز پارٹی (پی پی پی) کے رؤف احمد کی اپیل بھی منظور کر لی گئی ہے۔

الیکشن ٹربیونل نے آزاد امیدوار رافعہ حسن کو پی ایس 126 اور فیضان ذیشان کو این اے 237 سے الیکشن لڑنے کی اجازت دے دی۔

سماعت کے دوران جسٹس عدنان الکریم میمن نے استفسار کیا کہ کیا امیدواروں کو جان بوجھ کر الیکشن لڑنے سے روکا جا رہا ہے؟ لگتا ہے کہ ریٹرننگ افسر نے شوقیہ کاغذات نامزدگی مسترد کر دیئے۔