کینیڈا کی پاکستان میں اپنے لوگوں کے لیے نئی ٹریول ایڈوائزری

اوٹاوا: پاکستان میں سیکیورٹی کی غیر یقینی صورتحال کے باعث کینیڈا کی حکومت نے اپنے شہریوں کے لیے نئی ہدایات کا اعلان کیا ہے جو جنوبی ایشیا کا سفر کرنے کی تیاری کر رہے ہیں۔ اوٹاوا کی ایڈوائزری پاکستان میں کینیڈین شہریوں کی سیکیورٹی کو یقینی بنانے کے لیے جاری کی گئی۔

پاکستان میں کینیڈین ہائی کمیشن نے سکیورٹی کی غیر متوقع صورتحال کے پیش نظر اپنے شہریوں کو انتہائی احتیاط برتنے کی اطلاع دی۔ انہوں نے انہیں مشورہ دیا کہ وہ افغانستان کی سرحد کے 50 کلومیٹر اور چین، بھارت اور ایران کی سرحدوں کے 10 کلومیٹر کے اندر کے علاقوں میں سفر نہ کریں۔

ہائی کمیشن نے مزید کہا کہ دہشت گردی اور بربریت کے ہائی الرٹ کے باعث کراچی کے غیر ضروری سفر سے گریز کیا جائے۔ کینیڈا کی حکومت نے اپنے شہریوں کے لیے بڑے اجتماعات سے بچنے اور مقامی میڈیا اور حکام سے رابطے میں رہنے کے لیے احتیاطی تدابیر کی توثیق کی ہے۔

تاہم، واضح رہے کہ نئی سفری ہدایات اس وقت سامنے آئی ہیں جب ملک میں خاص طور پر بلوچستان اور خیبر پختونخواہ میں دہشت گردی میں تیزی سے اضافہ دیکھا جا رہا ہے۔