سانحہ 9 مئی کی تحقیقات کیلئے کمیٹی تشکیل

نگران وزیر اطلاعات و نشریات مرتضی سولنگی نے کہا ہے کہ 9 مئی کے واقعات کی تحقیقات کیلئے ایک کمیٹی تشکیل دے دی گئی ہے۔

انہوں نے ایک نجی نیوز چینل کے پروگرام میں گفتگو کرتے ہوئے کہا کہ نگران وزیر قانون و انصاف کمیٹی کے کنوینر ہوں گے جبکہ وزارت داخلہ اس عمل میں اہم کردار ادا کرے گی۔

وزیر اطلاعات نے کہا کہ کمیٹی دو ہفتوں میں اپنی شفارشات مرتب کرے گی۔ انہوں نے کہا کہ کمیٹی9مئی کے واقعات کا مکمل جائزہ لے گی اور طے کرے گی کہ یہ واقعات کیوں پیش آئے اور آئندہ اس طرح کے واقعات کو روکنے کیلئے کیا اقدامات کئے جائیں۔

ایک سوال کے جواب میں وزیر اطلاعات نے کہاملک میں اظہار رائے کی مکمل آزادی ہے اور سوالات کرنے پر کوئی قدغن نہیں ہے۔

انہوں نے مزید کہا کہ 9 مئی میں ملوث افراد کو الیکشن میں حصہ لینہ ہے یا نہیں یہ کمیٹی ہی طے کر ے گی ۔