نامعلوم افراد کی مسافر کوچ پر فائرنگ ، 4 افراد جاں بحق ، 3 زخمی

خیبر پختونخوا کے ضلع کرم کے علاقے صدہ بائی پاس کے قریب تخریب کاروں کی مسافر کوچ پر فائرنگ کے نتیجے میں 4 افراد جاں بحق جب کہ 3 زخمی ہوگئے۔

پولیس کے مطابق مسلح افراد نے پارا چنار سے پشاور جانے والی ایک کار اور ایک فلائنگ کوچ کو نشانہ بنایا، فائرنگ کے نتیجے میں خاتون سمیت 5 افراد موقع پر دم توڑ گئے جبکہ 3 افراد شدید زخمی ہوئے ہیں جنہیں ہسپتال منتقل کردیا گیا ہے

انہوں نے حملے میں ہلاکتوں کی تصدیق کرتے ہوئے کہا کہ  فائرنگ سے خاتون سمیت چار افراد جاں بحق جب کہ تین زخمی شہری زخمی ہوئے۔ ریسکیو حکام کے مطابق لاشوں اور زخمیوں کو ہسپتال منتقل کر دیا گیا ہے۔

واقعے کی اطلاع ملتے ہی پولیس کی بھاری نفری جائے وقوع پر پہنچ گئی تھی، حملہ آوروں کی گرفتاری کے لیے ضلعے کی ناکہ بندی کردی گئی ہے اطلاعات کے مطابق مسافر بس کرم سے صوبائی دارالحکومت پشاور جا رہی تھی کہ اسے حملے کا نشانہ بنایا گیا۔

یاد رہے کہ کچھ عرصہ قبل چلاس میں بھی مسافر بس پر فائرنگ کے نتیجے میں آٹھ افراد جاں بحق اور متعدد زخمی ہو گئے تھے۔