شاہ محمود قریشی کا الیکشن ٹریبونل سے نا اہلی کے فیصلے کو لاہور ہائی کورٹ میں چیلنج کرنے کا فیصلہ

تحریک انصاف کے وائس چیئرمین اور سابق وفاقی وزیر خارجہ  شاہ محمود قریشی نے الیکشن ٹریبونل سے نا اہلی کے فیصلے کو لاہور ہائی کورٹ کے لارجر بینچ میں چیلنج کرنے کا فیصلہ کیا ہے۔

تحریک انصاف کے سابق وائس چیئرمین شاہ محمود قریشی کے ملتان سے کاغذات نامزدگی مسترد کردیئے گئے تھے، جس کے بعد وہ الیکشن لڑنے کے لیے نااہل قرار دے دیئے گئے۔ تاہم اب انہوں نے ٹریبونل کے فیصلے کو لاہور ہائی کورٹ کے لارجر بینچ میں چیلنج کرنے کا فیصلہ کیا ہے۔ شاہ محمود قریشی کے وکلا نےٹریبونل کے فیصلے کو چیلنج کرنے کی تیاریاں شروع کردی ہیں۔

واضح رہے کہ شاہ محمود قریشی نے این اے 150، 151 اور پی پی 218 اور 219 سے کاغذات نامزدگی جمع کرائے تھے، اورالیکشن ٹریبونل نے ان کے زائدالمعیاد اسٹام جمع کروانے پر اپیل مسترد کی تھی۔

ایپلٹ ٹریبونل کے جج جسٹس محمد سرفراز ڈوگر نے فیصلہ سنایا تھا جس میں کہا گیا تھا کہ شاہ محمود قریشی کے کاغذات نامزدگی بیان حلفی پر اصل دستخط نہ ہونے کے باعث مسترد کردیئے گئے ہیں۔