اسرائیلی جارحیت جاری ،مزید 23 فلسطینی شہید

فلسطین میںمقبوضہ مغربی کنارے کے شہر جنین پر اسرائیلی ڈرون حملے میں کم از کم چھ فلسطینی شہید ہو گئے ہیں۔

گزشتہ سال سات اکتوبر سے غزہ پر جاری اسرائیلی حملوں میں نو ہزار چھ سو بچوں سمیت بائیس ہزار سات سو سے زائدفلسطینی شہید ہو چکے ہیں۔

اسرائیلی فوج نے خان یونس میں حملے بڑھا دیے جبکہ فلسطینی ہلال احمر کے اسپتال کے اطراف بھی اسرائیلی فوج نے شدید گولہ باری اور ڈرون سے فائرنگ کی۔

اسرائیلی فوج نے خان یونس کے گھر پر حملہ کیا جس میں 12 بچوں سمیت مزید 17 فلسطینی شہید اور 50 کے قریب زخمی ہو گئے۔

غیر ملکی میڈیا کے مطابق مغربی کنارے کے شہر جنین میں اسرائیل کے ڈرون حملے میں 6 فلسطینی شہید ہو گئے جن کے بارے میں بتایا گیا ہے کہ تمام افراد عام شہری تھے۔