پی ایس ایل کے شیڈول کو حتمی شکل دے دی گئی

نویں پاکستان سپرلیگ کے شیڈول کو حتمی شکل دے دی گئی ہے۔پاکستان سپرلیگ کا نواں ایڈیشن آئندہ ماہ کی سترہ تاریخ سے شروع ہو گا۔ٹورنامنٹ میں سترہ مارچ تک مجموعی طور پر چونتیس میچ کھیلے جائیں گے۔

اس مرتبہ پاکستان سپر لیگ کا آغاز 17 فروری سے ہوگا اور 17 مارچ تک جاری رہنے والے ایونٹ میں 34 میچ ہوں گے۔

پہلے مرحلے میں میچز لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے اور فائنل میچ بھی کراچی میں ہوگا۔

افتتاحی میچ قذافی اسٹیڈیم لاہور میں لاہور قلندرز اور اسلام آباد یونائیٹڈ کے درمیان ہوگا، ایونٹ میں 7 ڈبل ہیڈر ہوں گے۔

لیگ کے 6 میچ اور ایک کوالیفائر دن کے وقت میں ہو گا، راولپنڈی میں 3 اور لاہور میں 2 میچ دن میں کھیلے جائیں گے۔