حکومت کو انتخابات ملتوی کرنے کا کوئی اختیار نہیں،مرتضی سولنگی

اطلاعات و نشریات کے نگران وزیر مرتضیٰ سولنگی نے کہا ہے  کہ ملک میں آزادانہ، منصفانہ اور شفاف انتخابات کے انعقاد کے لئے نگران حکومت کی طرف سے الیکشن کمیشن کومکمل تعاون فراہم کیاجائے گا۔

انہوں نے میڈیا سے بات  کرتے ہوئے انہوں نے کہا کہ آئین کے آرٹیکل دوسواٹھارہ( تین)کے تحت انتخابات کی تاریخ دینا یا تبدیل کرنا الیکشن کمیشن کا آئینی اختیار ہے۔

انہوں نے کہا کہ نگران حکومت کو انتخابات ملتوی کرنے کا کوئی اختیار نہیں ہے۔وفاقی وزیرنے اعتراف کیا کہ مسائل موجود ہیں لیکن یہ اتنے سنگین نہیں کہ انتخابات ملتوی کر دیے جائیں۔

مرتضیٰ سولنگی نے کہا کہ ہماری سکیورٹی فورسز تمام سکیورٹی چیلنجز کا مقابلہ کرنے کی بھرپور صلاحیت رکھتی ہیں۔

نگران وفاقی وزیر مرتضی سولنگی  نے کہا کہ سیکرٹری الیکشن کمیشن علیل ہیں اور اس معاملے پر سیاست نہ کی جائے۔

انہوں نے کہا کہ ٹربیونلز سے ریلیف ملنے سے قبل پاکستان تحریک انصاف نے قومی اسمبلی کیلئے 2620 کاغذات نامزدگی جمع کرائے جن میں سے 1996کے کاغذات نامزدگی منظور کئے گئے۔