پاکستان میں بین الاقوامی صحت کا نفرنس کا آغاز

صحت کے تحفظ سے متعلق دو روزہ عالمی کانفرنس کل اسلام آباد میں شروع ہورہی ہے جس کا مقصد وبا سے نمٹنے کیلئے برابری کی سطح پر تیاریوں اور ردعمل کو یقینی بنانا ہے۔

 نگران وزیر ڈاکٹر ندیم جان اور اطلاعات و نشریات کے نگران وزیر مرتضیٰ سولنگی نے آج اسلام آباد میں نیوز کانفرنس کے دوران کہا کہ پاکستان بین الاقوامی صحت کا نفرنس کی میزبانی کرے گا ۔

ڈاکٹر ندیم جان نے کہا کہ وزیراعظم انوارالحق کاکڑ کانفرنس کا افتتاح کریں گے جس میں ستر سے زائد قومی اور بین الاقوامی مندوبین شرکت کریں گے۔

وزیر صحت نے کہا کہ ہم اس کانفرنس کے ذریعے بڑے ہدف کے حصول کی طرف بڑھ رہے ہیں جس کا مقصد یہ ہے کہ وبا سے نمٹنے کیلئے تمام ممالک کو سہولتوں، انسانی وسائل، ویکسین اور فنڈنگ تک مساوی رسائی کو یقینی بنانا ہے۔

وزیر اطلاعات مرتضی سولنگی نے اپنے بیان میں کہا کہ کانفرنس کی میزبانی کرنا پاکستان کیلئے بہت بڑا اعزاز ہے۔