بانی چئیرمین پی ٹی آئی کے کاغذات نامزدگی مسترد کرنے کے خلاف دائر اپیل خارج

الیکشن ٹربیونل نے بانی چئیرمین پی ٹی آئی عمران خان کے کاغذات نامزدگی مسترد کرنے کے خلاف دائر اپیل خارج کردی، ٹریبونل کے جج جسٹس طارق ندیم نے عمران خان کی اپیل پر فیصلہ سنادیا۔

لاہور ہائیکورٹ ایپلٹ ٹریبونل میں الیکشن کمیشن کے وکیل نے اپنے دلائل میں کہا کہ سابق چئیرمین پی ٹی آئی نااہل ہوچکے ہیں، ان کے تجویز کنندہ این اے 122 سے نہیں ہیں۔

دوسری جانب لاہور کے حلقہ این اے 130 سے ڈاکٹر یاسمین راشد کو الیکشن لڑنے کی اجازت مل گئی ہے،اپیلٹ ٹریبونل نے ریٹرننگ افسر کا کاغذات نامزدگی مسترد کرنے کا فیصلہ کالعدم قرار دے دیا ہے۔

لاہور ہائیکورٹ کے انتخابی ٹریبونل نے پی ٹی آئی رہنما ڈاکٹر یاسمین راشد کی اپیل منظور کرتے ہوئے انہیں این اے 130 سے نواز شریف کے مدمقابل الیکشن لڑنے کی اجازت دے دی۔ ٹریبونل نے ریٹرنگ افسر کا فیصلہ کالعدم قرار دے دیا۔

پی ٹی آئی رہنما اعظم خان نیازی کے بھی پی پی 160 سے کاغذات نامزدگی مسترد ہونے کے خلاف اپیل منظور کرلی گئی ہے۔

ایلیٹ ٹربیونل لاہور ہائیکورٹ نے پی ٹی آئی رہنما محمود الرشید کے پی پی 169 سے کاغذات نامزدگی کاغذات نامزدگی منظور کر لیے۔