خالد مقبول صدیقی کی این اے 242 پر مسلم لیگ ن سے سیٹ ایڈجسٹمنٹ کی خبروں کی تردید

متحدہ قومی موومنٹ (ایم کیو ایم) پاکستان کے کنوینر ڈاکٹر خالد مقبول صدیقی نے این اے 242 پر مسلم لیگ ن سے سیٹ ایڈجسٹمنٹ کی خبروں کی تردید کردی۔

خالد مقبول صدیقی نے ایک بیان میں کہا کہ این اے 242 میں سیٹ ایڈجسٹمنٹ سے متعلق خبروں میں کوئی صداقت نہیں، این اے 242 کراچی سے مصطفیٰ کمال ایم کیو ایم پاکستان کے امیدوار ہیں۔

گزشتہ روز خبر آئی تھی کہ مصطفیٰ کمال این اے 242 سے شہباز شریف کے خق میں دستبردار ہو گئے ہیں، دونوں جماعتوں کی ملاقات میں سیٹ ایڈجسٹمنٹ کا معاملہ طے پا گیا ہے۔ کراچی کے اس حلقے پر مسلم لیگ ن کے صدر شہباز شریف نے کاغذات نامزدگی جمع کرا رکھے ہیں۔

میرپور خاص، نواب شاہ، سکھر اور لاڑکانہ کی قومی اسمبلی کی نشستوں پر ایم کیو ایم، ن لیگ، جے یو آئی اور جی ڈی اے میں بھی کسی نشست پر کوئی حتمی فیصلہ نہیں ہوسکا۔