انتخابی نشان کی بحالی، پی ٹی آئی کو اب الیکشن جیتنے سے کوئی نہیں روک سکتا، بیرسٹر علی ظفر

پشاور ہائی کورٹ نے پی ٹی آئی کا بلے کا انتخابی نشان بحال کر دیا، جس کے بعد پی ٹی آئی کے وکیل بیرسٹر علی ظفر نے کہا ہے کہ انٹرا پارٹی الیکشن تسلیم کیا جاچکا ہے اور چیئرمین شپ بھی بحال ہوگئی ہے۔

پشاور ہائیکورٹ کے باہر میڈیا سے گفتگو کرتے ہوئے بیرسٹر علی ظفر نے کہا کہ پاکستان تحریک انصاف کو بلے کا نشان واپس مل گیا، اب پی ٹی آئی کو الیکشن جیتنے سے کوئی نہیں روک سکتا۔

بلے کی میدان میں واپسی،پشاور ہائی کورٹ کا بڑا فیصلہ!
تحریک انصاف کی بڑی کامیابی!
بیرسٹر علی ظفر کی ہنگامی پریس کانفرنس! pic.twitter.com/giPJFST8GI

— GNN (@gnnhdofficial) January 10, 2024

بیرسٹر علی ظفر نے کہا کہ عدالت نے پی ٹی آئی کو ویب سائٹ پر نوٹیفکیشن جاری کرنے کا حکم دیا ہے، ہم پوری قوم کو مبارکباد پیش کرتے ہیں۔پشاور ہائیکورٹ نے الیکشن کمیشن کا حکم کالعدم قرار دے دیا ہے، الیکشن کمیشن نے غیرقانونی طریقے سے بلے کا نشان چھینا تھا۔

انہوں نے کہا کہ پشاور ہائیکورٹ نے قانون کے مطابق فیصلے کی روایت قائم کی ہے۔ پشاور ہائیکورٹ کے فیصلے کے بعد کچھ نہیں رہ جاتا، الیکشن کمیشن آف پاکستان ہمارا مخالف بن گیا ہے، 15 منٹ میں بلے کا نشان ویب سائٹ پر نہ ڈالا گیا تو توہین عدالت ہوگی۔

پی ٹی آئی رہنما کا کہنا تھا کہ نہ تو پاکستان کا آئین اور نہ ہی الیکشن ایکٹ 2017، نہ ہی کوئی قانون اور نہ ہی سپریم کورٹ یا ہائی کورٹس کی کوئی ججمنٹس ہے جو الیکشن کمیشن کوکوئی اختیار نہیں کہ وہ کسی سیاسی جماعت کے الیکشنز کو دیکھے اور انہیں کالعدم قراد دے اور انہیں انتخابی نشان نہ دے۔