چوہدری پرویز الہیٰ کی 4 حلقوں سے کاغذات نامزدگی مسترد کرنے کے خلاف اپیلیں خارج

سابق وزیر اعلیٰ پنجاب چوہدری پرویز الہیٰ کی 4 حلقوں سے کاغذات نامزدگی مسترد کرنے کے خلاف اپیلیں خارج کر دیں گئیں۔ اپیلٹ ٹربیونل نے آر او کے فیصلوں کو برقرار رکھتے ہوئے محفوظ فیصلہ سنا دیا۔

ایپلٹ ٹربیونل لاہور ہائیکورٹ نے پی ٹی آئی کے مرکزی صدر پرویزالہٰی ان کی اہلیہ اور مونس الہٰی کے کاغذات نامزدگی مسترد کرتے ہوئے آراوکا فیصلہ برقراررکھا جبکہ مونس الہٰی کی خالہ ریحانہ کے کاغذات نامزدگی منظور کرتے ہوئے انہیں الیکشن لڑنے کی اجازت دیدی۔

ایپلٹ ٹربیونل لاہور ہائیکورٹ نے پرویز الٰہی  کے4 حلقوں سے ریٹرننگ افسران کے فیصلوں کے خلاف اپیلیں خارج کردی۔ریٹرننگ آفیسر نے کاغذات نامزدگی مسترد کیے تھے۔پرویز الٰہی کے این اے 64،69 اور پی پی 32,34 سے کاغذات نامزدگی مسترد کیے گئے ہیں۔

ایپلٹ ٹربیونل نے مونس الٰہی کے بھی کاغذات نامزدگی مسترد کر دئیے۔مونس الہی نے ریٹرننگ آفیسر کے فیصلے کے خلاف اپیل دائر کی تھی،مونس الہی نے این اے 64,69 اور پی پی 32,34 سے کاغذات نامزدگی جمع کروائے تھے۔

ایپلٹ ٹربیونل لاہور ہائیکورٹ نے پرویز الہی کی اہلیہ قیصرہ الہی کے کاغذات نامزدگی مسترد ہونے کے خلاف اپیل مسترد کردی اور عدالت نے ریٹرننگ افسر کا فیصلہ برقرار رکھا۔