مسئلہ کشمیر کے حل تک بھارت کے ساتھ جنگ کا امکان ہے ،وزیر اعظم

نگران وزیراعظم انوار الحق کاکڑ نے خبردارکیاہے کہ پاکستان بھارتی لوک سبھا کے آئندہ انتخابات سے پہلے بھارت کی طرف سے دوہزار انیس جیسی کسی بھی جارحیت کانئے عزم اوردفاعی صلاحیت کے ساتھ منہ توڑ جواب دے گا۔

ڈیجیٹل میڈیا چینل پر ایک پوڈکاسٹ میں وزیراعظم نے کہا کہ پاکستان اب بھی 2019 جیسا بھرپورردعمل دے گا۔انہوں نے کہا کہ کسی کو پاکستان کے ردعمل کے بارے میں شک وشبہ نہیں ہونا چاہیے کیونکہ ہم نے اپنے عوام کے تحفظ کے لئے موثر دفاعی حکمت عملی وضع کررکھی ہے۔

انہوں نے کہا کہ مسئلہ کشمیر کے حل تک  جنگی تنازعے کا امکان موجودرہے گا۔