ٹیکس دہندگان کو سترہ ارب روپے کا ریلیف

وفاقی ٹیکس محتسب نے گزشتہ سال کے دوران ٹیکس اورکسٹم حکام کی بدانتظامی کے خلاف آٹھ ہزار سے زائد شکایات کا ازالہ کیا ۔

اجلاس کو بتایاگیا کہ وفاقی ٹیکس محتسب نے سال 2022کے سات ارب روپے کے مقابلے میں سال 2023میں ٹیکس دہندگان کو سترہ ارب روپے سے زیادہ کا ریلیف فراہم کیا ۔

اس موقع پر اظہار خیال کرتے ہوئے صدرمملکت ڈاکٹر عارف علوی  نے ہدایت کی کہ ٹیکس دہندگان تک رسائی بڑھانے کے علاوہ شکایات کے اندراج اور اس کے ازالے کیلئے کوششیں بڑھائی جائیں۔

 صدرمملکت ڈاکٹر عارف علوی نے اپنے فیصلوں پر بروقت عملدرآمد اور ٹیکس نظام میں بہتری لانے کیلئے وفاقی ٹیکس محتسب اور ایف بی آر میں تعاون بڑھانے پر زوردیا ۔

انہوں نے کہاکہ پاکستان میں ٹیکس اور محصولات بڑھانے کیلئے ٹیکس نظام میں بہتری ناگزیر ہے جس سے معیشت بہتر بنانے میں مدد ملے گی اور ملک کا قرضوں پر انحصار کم ہوگا۔