ن لیگ کا راولپنڈی اور گوجرانوالہ ڈویژنز سے امیدواروں کا اعلان

پاکستان مسلم لیگ (ن) نے عام انتخابات 2024 کے لیے راولپنڈی اور گوجرانوالہ ڈویژنز کے لیے اپنے امیدواروں کا اعلان کردیا۔

مسلم لیگ ن نے عام انتخابات 2024 کے لیے ٹکٹوں کی تقسیم کا آغاز کر دیا، (ن) لیگ کے الیکشن سیل کے چیئرمین اسحاق ڈار کی جانب سے راولپنڈی اور گوجرانوالہ ڈویژنز کے لیے امیدواروں کا اعلان کر دیا گیا۔

ن لیگ نے قومی اسمبلی کے حلقہ این اے 55 سے ملک ابرار احمد کو ٹکٹ دیا ہے، جبکہ این اے 53 سے حنیف عباسی ٹکٹ ہولڈر ہوں گے۔

قومی اسمبلی کے حلقہ این اے 57 سے دانیال چوہدری، این اے 58 سے میجر (ر) طاہر اقبال، این اے 59 سے سردار غلام عباس مسلم لیگ ن کے امیدوار ہوں گے۔

صوبائی اسمبلی کے حلقہ پی پی ایک سے جہانگیر خانزادہ اور پی پی 2 سے افتخار احمد خان مسلم لیگ ن کے امیدوار ہوں گے۔

اس کے علاوہ پی پی 3 سے حمید اکبر، پی پی 4 سے سحر علی خان، پی پی 5 سے ملک اعتبار خان اور پی پی 6 سے محمد بلال یامین مسلم لیگ ن کے ٹکٹ ہولڈر ہوں گے۔