بانی چیئرمین پی ٹی آئی سے مشاورت مکمل ، آج ٹکٹوں کا اعلان ہو گا، بیرسٹر گوہر

پاکستان تحریک انصاف کے چیئرمین بیرسٹرگوہر نے کہا ہے کہ ٹکٹوں سے متعلق مشاورت مکمل ہوگئی، آج رات 11 بجے سے پہلے ٹکٹوں کا اعلان کردوں گا، ہمیں عدلیہ پر اعتماد ہے ہمارے ساتھ انصاف ہوگا، الیکشن کمیشن پشاور ہائیکورٹ کے حکم کے مطابق سرٹیفکیٹ جاری کرے۔

راولپنڈی میں میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ ٹکٹوں کے معاملے پر بانی پی ٹی آئی عمران خان سے مشاورت کرنی ہے، عمران خان سے مشاورت کا وقت نہیں دیا گیا، آج رات 11 بجے سے پہلے ٹکٹوں کا اعلان کردوں گا، ہمیں عدلیہ پر اعتماد ہے ہمارے ساتھ انصاف ہوگا۔

پشاور ہائیکورٹ کا فیصلہ ہمارے حق میں ، الیکشن کمیشن جو کرنا چاہتا ہے کر لے ، ٹکٹ کس کس کو مل رہا ہے ، بیرسٹر گوہر نے بڑا اعلان کر دیا ، خان جیل میں کیوں بند ہے ، پی ٹی آٗئی وکیل کے اہم انکشافات#PTI #GoharKhan #ECP #PeshawarHighCourt pic.twitter.com/qwqlClJHk3

— GNN (@gnnhdofficial) January 11, 2024

بیرسٹر گوہر نے کہا کہ ہمارے امیدوار متعلقہ آر او کو پارٹی ٹکٹ فراہم کریں گے، الیکشن کمیشن کو آج ہائیکورٹ آرڈر کی کاپی جمع کراچکے ہیں، پشاورہائیکورٹ نے فیصلہ دیا ہے بلے کا نشان واپس دیا جائے۔

انہوں نے مزید کہا کہ الیکشن کمیشن سے استدعا ہے پہلے ہی دیر ہوچکی، جلد از جلد بلا الاٹ کریں، الیکشن کمیشن کی ذمہ داری ہے کہ الیکشن شفاف کرائیں، ٹکٹ سے متعلق مشاورت مکمل ہوگئی ہے۔

الیکشن کمیشن اگر سپریم کورٹ جانا چاہتی ہے تو یہ ان کا حق ہے لیکن جب تک سپریم کورٹ فیصلے کو کالعدم ہیں کرتا تب تک پشاور ہائی کورٹ کے آرڈر پر عمل ضروری ہے۔ الیکشن کمیشن ایک آئینی ادارہ ہے اور اس کےلئے ضروری ہے کہ ہائی کورٹ نے جو آرڈر کیا ہے اس پر فورا عمل کیا جائے۔