موٹر وے کے مختلف حصے دھند کے باعث عارضی طور پر بند

موٹر وے کے مختلف حصوں کوشدید دھند کے باعث عارضی طور پر بند کر دیا گیا ہے۔

نیشنل ہائی ویز اینڈ موٹروے پولیس کے مطابق بند کئے جانے والے حصوں میں ایم ون اسلام آباد ٹول پلازہ سے برہان انٹرچینج اور برہان انٹرچینج سے پشاور ٹول پلازہ، ایم تھری فیض پور سے درخانہ،ایم فورعبدالحکیم سے فیصل آباد ،ایم فائیوشیر شاہ سے ظاہر پیر اور روہڑی سے رحیم یار خان شامل ہیں۔مسافروں کو ہدایت کی گئی ہے کہ وہ نیشنل ہائی ویز اور موٹروے ہیلپ لائن 130اور اس کے سوشل میڈیا پلیٹ فارمز سے تازہ ترین اپ ڈیٹس حاصل کرنے کے بعد اپنے سفری منصوبے ترتیب دیں۔