اگر پولیس نے گرفتار کیا تو جیل سے الیکشن لڑیں گے، شیخ رشید

سربراہ عوامی مسلم لیگ اور سابق وزیر داخلہ شیخ رشید احمد نے کہا کہ ساری قوم کو کہنا چاہتا ہوں اگر آج پولیس نے گرفتار کیا تو جیل سے الیکشن لڑیں گے۔

انہوں نے کہا کہ غریب کے ساتھجو ظلم ہوا اور انہیں مہنگائی اور بے روزگاری کے جہنم میں پھینکا گیا، ان کا بدلہ لینے قلم دوات میدان میں نکلی ہے۔میں نے کبھی پریس کانفرنس نہیں کی، کسی کے خلاف کبھی غلط بات نہیں کی اور نہ ہی کروں گا۔ 19 کیسز کی پروسیڈنگ ہونی ہے 

راولپنڈی :سربراہ عوامی مسلم لیگ شیخ رشید احمد کی انسداد دہشت گردی کی عدالت کے باہر میڈیا سے گفتگو pic.twitter.com/HT9xHz1E1H

— Sheikh Rashid Ahmed (@ShkhRasheed) January 15, 2024

راولپنڈی کی انسداد دہشت گردی عدالت کے باہر میڈیا سے گفتگو کرتے ہوئے شیخ رشید کا کہنا تھا کہ چلہ بھی کاٹا اور قربانی بھی دی لیکن کوئی پریس کانفرنس نہیں کی، اپنے خلاف ہونے والے کیسز پر اُف تک نہیں کی، معاملہ اللہ پر چھوڑ دیا۔ آج پولیس نے گرفتار کیا تو میں اور راشد شفیق دونوں جیل سے قلم دوات کے نشان پر الیکشن لڑیں گے، ساری قوم کو کہنا چاہتا ہوں اگر آج پولیس نے گرفتار کیا تو جیل سے الیکشن لڑیں گے۔

شیخ رشید کا کہنا ہے کہ قلم دوات کے نشان پر 8 فروری کو حلقہ 56 اور 57 میں اکثریت سے جیتیں گے، راولپنڈی کے لوگوں کو احساس ہے کہ خدمت کس کا نام ہے اور کس نے کی ہے۔ ہم نے پنڈی کی پگھ پر داغ نہیں لگنے دیا اور اب ووٹ ڈالنا آپ کا کام ہے، عوام کو مہنگائی اور بیروزگاری کے جہنم میں پھینکا گیا اس کا بدلہ لینے نکلے ہیں۔

سربراہ عوامی مسلم لیگ نے مزید کہا کہ ایک چیز کلیئر کرنا چاہتا ہوں کہ کبھی کسی کے خلاف پریس کانفرنس نہیں کی، کبھی کسی کے خلاف غلط بات کی اور نہ کروں گا۔