بلاول بھٹو تہذیب میں رہیں اور اپنی کارکردگی پر بات کریں، مریم اورنگزیب

پاکستان مسلم لیگ ن کی رہنما اور سابق وفاقی وزیر اطلاعات مریم اورنگزیب نے کہاکہ بلاول تہذیب میں رہیں اور اپنی کارکردگی پر بات کریں۔ انکی زبان پر افسوس ہے، وہ نئے نئے پنجاب آئیں ہیں، انہوں نے ہمارے منصوبے نہیں دیکھیں۔ پی ڈی ایم حکومت کے فیصلوں میں پیپلز پارٹی کے وزرا برابر کے حصے دار تھے۔

مریم اورنگزیب نے کہا کہ بلاول بھٹو سندھ میں کون سا ایسا منصوبہ لا رہے ہیں جو پنجاب میں موجود نہیں۔ بلاول کی گفتگو تہذیب میں رہے گی تو اچھا کلچر آئے گا پاکستان 1990 کی دہائی میں گالم گلوچ کی سیاست دفن کرچکا تھا، بانی چیئرمین پی ٹی آئی نے گالم گلوچ کا کلچر شروع کیا۔

مریم اورنگزیب نے کہا کہ بلاول تہذیب میں رہ کر اپنی کارکردگی پر بات کریں، بلاول بھٹو نئے نئے پنجاب آئے ہیں۔ سندھ کا بھی حق ہے وہاں پنجاب جیسی سہولیات ہوں۔ ہمارا مقابلہ سیاسی جماعتوں کے ساتھ مہنگائی سے بھی ہے۔ پی ڈی ایم کے فیصلوں میں پیپلز پارٹی کے وزراء برابر کے حصہ دار تھے، پی ڈی ایم کی مشاورت میں پی پی و دیگر جماعتیں موجود تھیں۔

مریم اورنگزیب نے کہا کہ بلوم برگ رپورٹ کے مطابق بہترین معاشی کارکردگی نواز شریف کی قیادت میں ہوئی، ریلیف کا پلان مرتب کر لیا ہے جلد سامنے لائیں گے۔