مشرق وسطیٰ میں تنازعات کے پھیلنے کا ذمہ داری امریکا ہے، روس

روس کے وزیر خارجہ سرگئی لاوروف نے کہا ہے ک یمن پر حملوں کی وجہ سے مشرق وسطیٰ میں تنازعات کا ذمہ دار امریکا ہے۔

غیر ملکی خبر رساں ایجنسی کے مطابق انہوں نے کہا کہ امریکا کو مشرق وسطیٰ میں تنازعات کے حل میں ایک ایماندار شریک کی حیثیت سے شامل ہونا چاہیئے جو فلسطینی عوام کے مفادات کی ضمانت دے سکے۔

روسی وزیر خارجہ نے سرگئی لاوروف نے دمشق میں پاسداران انقلاب کے کئی دفاتر کو تباہ کرنے کے بعد اسرائیل پر شام میں سیاسی قتل عام بند کرنے پر زور دیا۔

اس ماہ امریکا اور برطانیہ نے حوثیوں کے ٹھکانوں پر بار بار حملے کیے جس کا مقصد بحیرہ احمر میں نیویگیشن کے لیے خطرہ بننے اور عالمی تجارت کو نقصان پہنچانے کے لیے گروپ کی صلاحیت کو کمزور کرنا ہے۔

دریں اثنا حوثیوں کا کہنا ہے کہ وہ غزہ کی پٹی کے ساتھ اظہار یکجہتی کے لیےاسرائیلی کمپنیوں کے زیر ملکیت یا اسرائیل سے سامان لے جانے والے جہازوں کو نشانہ بنا رہے ہیں۔