دفعہ 144 کی آڑ میں پی ٹی آئی کو مزید نقصان پہنچا یا جا ئے گا ،شاہ محمود قریشی

شاہ محمود قریشی اڈیالہ جیل میں صحافیوں سے گفتگو کرتے ہو ئے کہا کہ اگر دفعہ 144 کا نفا ذ ہوا تو ن لیگ اور پیپلز پارٹی کیسے جلسے کریں گے؟

شاہ محمود قریشی  نے مزید کہا کہ اگر دفعہ 144 اسلحے کی نمائش پر لگائی گئی ہے تو اچھی بات ہے، دفعہ 144 کے تحت ہمارے امیدواروں اور کارکنوں پر پس پردہ پرچے اور گرفتاریاں کی جائیں گی، دفعہ 144 کا نفاذ نئی انتقامی کارروائیوں کا جواز ہے، ہم عوام کی عدالت پر انحصار کرتے ہیں۔

تحریک انصاف کے رہنما کا کہنا تھا کہ تمام ترہتھکنڈوں کے باوجود لوگ اپنے ووٹ کا استعمال کریں گے، آپ مجبور ہو کر نہیں لکھ سکتے مگر آپ کا دل تو مانتا ہے کہ ظلم ہورہا ہے، فوج کی ذمہ داری امن عامہ کے قیام کی ہے تو اچھی بات ہے۔

شاہ محمود قریشی  نے کہا کہ الیکشن کا کسی صورت بھی بائیکاٹ نہیں کریں گے ۔