پاکستان تحریک انصاف کا ملک بھر میں باضابطہ انتخابی مہم کے آغاز کا اعلان

پاکستان تحریک انصاف اتوار سے ملک بھر باضابطہ انتخابی مہم کے آغاز کا اعلان کر دیا۔

پاکستان تحریک انصاف کے ترجمان کے مطابق سابق چیئرمین پی ٹی آئی عمران خان کی ہدایات کی روشنی میں تحریک انصاف کی قومی و صوبائی اسمبلی کے امیدوار اپنی پرامن سیاسی و انتخابی سرگرمیوں کا آغاز کریں گے۔

انتخابات سے قبل کھلے عام عوام میں جانے اور باہر نکل کر انتخابی مہم چلانے کا معاملہ

پاکستان تحریک انصاف کی تنظیم اور امیدواران اتوار کو ملک بھر خصوصاً پنجاب میں اپنی باضابطہ انتخابی مہم کا آغاز کریں گے :

بانی چیئرمین کی ہدایات کی روشنی میں تحریک انصاف کی قومی و صوبائی اسمبلی کے…

— PTI (@PTIofficial) January 24, 2024

پارٹی ترجمان کا کہنا ہے کہ قوم اڈیالہ جیل میں بے گناہ قید اپنے لیڈر اور تحریک انصاف کے ساتھ کھڑی ہے، قومی انتخابات پر جبر و فسطائیت اور بدترین دھاندلی کے گہرے بادلوں کے باوجود تحریک انصاف جمہوری انداز میں ملک کو دستور و قانون کی طرف لے جانے کی کوششیں کررہی ہے، عوام کے حقِ رائے دہی پر ڈاکے کی تمام تر کوششیں عوام کی تائید و معاونت سے ہی کامیاب بنائیں گے۔

تحریک کے ترجمان کے مطابق پرامن سیاسی و انتخابی سرگرمیوں کا حق ہمیں دستور دیتا ہے، ریاستی مشینری آئین کا احترام کرے جبکہ عدالتِ عظمیٰ دستور کی بالادستی کو یقینی بنائے۔خوف اور غلامی کے بت توڑ کر نکل رہے ہیں، عمران خان کی قیادت میں ملک و قوم کو حقیقی آزادی دلوائیں گے۔